#80 The Belly of Momo

‘Si bo stima bo wowonan, no bin wak’

Komo símbolo di liberashon kolektivo, e figura kòrpulento di Rei Momo di karnaval kurasoleño ta personifiká konosementu síkliko: strukturanan temporal ta regresá, kada final ta presedé un komienso nobo. Morto ta un transishon; antepasadonan ta partisipante aktivo. Pasado i presente ta krusa otro.

Kevin Osepa ta konsiderá stoma di Momo tantu un tema komo un strategiá. Un filosofía poroso ku ta reflehá e esensia propio di Buro Stedelijk. Ambos ta interiornan den formashon: lugá di enkuentro, pa eksperimentashon, unda por apresiá kaos. E stoma por karga i warda forsanan kontradiktorio sin nesesidat di resolushon: duele i alegria ta eksistí konhuntamente i ambos ta karga e resonansia di nos antepasadonan.

E poder di stoma komo un sitio muskular ku no ta transparente. Kome sòpi huntu ta kombertí den un método: un forma di komunikashon ku ta superá palabra, un ekspreshon komun(al) sin nesesidat di hustifikashon. Ta trata di un konosementu sensual, un enkuentro físiko, sabiduria transmití entre kurpanan den un espasio kompartí. Konosementu maternal ta reta e mito di e genio solitario i ta boga pa un práktika di arte relativo i kuido.

Kolaborashon ta krusial: artista músiko Rozaly, artista multidisiplinario Lakisha Apostel i diferente otro kontribuidó ta forma parti di e obra aki. Ounke e ta karga nòmber di Kevin, presensia di su mama (su imágen, su pensamentunan, su toke i su práktika) ta integrá den tur kos.

Den e tempu ku a transkurí entre konseptualisashon i instalashon di e ekshibishon aki, numeroso kolaboradó a transformá e espasio. Den stoma tur kontenido ta permanesé líkido i tur loke no prosesá por hala rosea. Bo ta keda invitá pa pèrde bo ekilibrio, deshasí di impulso pa siguridat, enbolbé bo mes den komplehidat. Barika ta kontené loke institutonan formal falta: e drèmpel kaminda transformashon ta kuminsá.

‘Ayo Momo’

translation by Glenpherd and Zion Piggott